بازل

Puzzle

حيرة-لغز-مشكلة-متاهة

بازل-تطلق على لعبة عقلية شهيرة، واللعبة عبارة عن لوحة ملونة من الورق السميك وممزقة بشكل عشوائي متعمد، وتتم اللعبة بإعادة تكوين اللوحة-برص أجزاءها بجوار بعضها البعض بصبر وأناة، على مرجعية من صورة أخرى مكتملة للوحة الممزقة.

-1-

أتلمينا ف أوضة شرك ف شقة ف بيت الشيخ عباس.. دورة المية مشتركة تحت السلم. فضلت أدبق لحد ما جبت ستارة ف جنب الأوضه.. واشتريت ترابيزه قسط حطيت عليها وابور شرايط والحلتين والطبقين.. وجار من الترابيزه جركن الميه.. وبقى الجنب ده مطبخ.. غايته.. كنا كافيين خيرنا شرنا

حبلت وجبت البت دعاء.. وحبلت تاني وجبت البت مروه.. وبعدين السيد زود في الهباب والبانجو وفضل يغيب من ورشة الألامونيا لحد ما كرشوه.. وقعد في البيت ليل نهار.. يا يناقر ما الواد طلعت السباك جارنا في الأوضة التانية ... يا يكونو مصطلحين وهات يا دُخان

من بازل

حسين عبد العليم

إصدارات دلر ميريت

2005